2011-4-16 19:49
SSS4E
叫家姐幫手買早餐,佢話"你要我特登幫你落去買零食!?"
背景:
我讀緊大學,而家都學期尾差不多要考試,忙到仆街; 前幾日開始不幸生蛇(皰疹), 成個左邊身背腰腹都有
星期四先約到e生,睇完剛開始食藥茶藥膏,就發高燒,皮膚好似火燒咁痛冇一秒停過,而家仲痛緊
星期四亦都係我一個星期入面最多堂,最多即日功課交的一天
事件:
剛剛的星期四晚因為病痛,用左特別耐先係學校做完d野,都差唔多晚上9點半,未食dinner
我學校係半山的,落市區要15分鐘
我返屋企一程巴士要一個鐘,返到屋企都10點半,好多店舖都close哂
我打個電話比我家姐,事先問左佢,佢係屋企,亦都得閑冇特別野做
想佢幫我落樓下間店買盒蛋糕仔
佢一句車埋黎 "你要我特登幫你落去買零食!?"
我流住眼淚咁講"果盒野我聽日做早餐ga..."
跟住cut左佢線
果日忙左全日,加埋病痛,已經唔想趕落市區買第日既早餐
屋企住4樓,去樓下間野30秒都唔使,盒蛋糕仔都係10蚊only,仲可以食3次
平時既話我都係自己買生命面包
話就話早餐,其實果幾啖已經係我返學果十幾個鐘既食物
一來忙到跟本冇時間食正餐, 二來我屋企十分窮,我想慳得就慳
平時冇咩事我都唔會特登麻煩我家姐
今次想係樓下間野收檔之前叫佢幫我買姐
佢咁樣答我......我又唔係叫佢行9條街又唔係叫佢買鮑參翅肚
平時佢有比d零用錢我因為我補習收入唔穩定
我本身除基本洗費都唔會亂用錢
最大問題係佢次次比完零用錢我,之後就keep住一排對我態度極差,星期三佢就剛比完錢我
好似比錢我要我受佢氣咁
欠佢少少就要睇佢面色,以前佢未返工已經係咁
佢而家返緊工,搵到萬幾蚊一個月,態度再差十倍
呢d咁既家姐,我寧願唔要